मुम्बई व क्यापिटल दथुइ थौं क्वालिफायरय् कासा
लहानान्युज | कौलागा पंचमी ११४०,कार्तिक २० बिहीवाः
इन्डियन प्रिमियर लिग (आईपीएल) क्वालिफायरय् मुम्बई इन्डियन्स व दिल्ली क्यापिटल दथुइ प्रतिस्पर्धा जुइगु दु। जुयाच्वंगु आईपीएलया क्वालिफायर–१ थौं बहनि ७ः४५ बजे दुबई अन्तर्राष्ट्रिय क्रिकेट मैदानय् सुरु जुइ त्यःगु खः।
त्याःगु टिम फाइनल थ्यनि सा बुगु टिमं क्वालिफायर–२ या इलिमिनिटर विजेता नाप म्हितीइ। इलिमिनिटर शुक्रवाः अबुधाबीया शेख जायद रंगशालाय् रोयल च्यालेन्जर्स बैंगलौर व सनराइजर्स हैदरावा दथुइ जुइ।
अबुधाबीइ आइतवाः जुइगु क्वालिफायर–२ य् त्याःगु टिम व क्वालिफायर–१ विजेता दथुइ वइगु सोमवाः थुगु दँया आईपीएल उपाधिया लागि प्रतिस्पर्धा जुइ।
साविक विजेता मुम्बई अंक तालिकाय् शीर्षस्थान च्वना क्वालिफायरय् थ्यःगु दु। मुम्वईया १८ अंक दु। राउण्ड रोविनया १४ मध्ये न्याःगु कासा जक बूगु खः।
१६ अंक जोडे याःगु दिल्ली अंक तालिका ल्य् लागु टिम खः। दिल्लीं ८ कासाय् त्याकूगु खःसा खुगु कासा बूगु खः।
समूह चरणया निगु कासाय् मुम्बई न दिल्लीयात स्तब्ध याःगु खः। न्हापागु कासाय् १६३ रनया लक्ष्य मुम्बई न दिल्लीयात न्याःगु विकेटं बूकुगु खः। निगु कासाय् दिल्लीयात मुम्बई न गूगु विकेटं बूकुगु खः।
Categorized in कासा
