२०८० चैत्र १६, शुक्रबार

मेक्सिकोया वित्तीय मन्त्री कार्लोसपाखें राजीनामा

लहनान्यूज | ने.सं. ११३९ दिल्लाथ्व नवमि (९ जुलाइ, २०१९), बुधवाः

अर्थतन्त्रय् अतिवाद हावी जूगु धयादिसें मेक्सिकोया वित्तीय मन्त्री कार्लोस उर्जुवां राजीनामा बियादीगु दु ।
 
 
मेक्सिकोया राष्ट्रपति आन्द्रेस लोपेज ओब्रेडोरं वित्तीय मन्त्रीया थासय् छम्ह उप–मन्त्रीयात प्रस्ताव यायेगु तयारी यानाच्वंगु इलय् कार्लोसं राजीनामा बियादीगु खः ।
 
 
राजीनामा पौयात माइक्रो ब्लगिङ साइटय् ट्वीटरपाखें सार्वजनिक यानादिसें वित्तीय मन्त्री कार्लोसं सरकारं छुं हे आधार मदयेकं आर्थिक नीति दयेकूगु न्ह्यथनादीगु दु ।
 
 
आर्थिक नीतिया न्ह्याबलें बल्लाःगु आधार दयेमाःगु व थुकियात कयाः फुक्कस्यां थःथःगु धारणा तय् दयेमाःगु धइगु विश्वास यानागुलिं हे थःत थीथी द्वपं ब्यूगु नं वय्कःया धापू दु । तर थजाःगु द्वपनं थःगु कार्यकालय् लिच्वः मलाकूगु दावी नं कार्लोसं यानादीगु बिबिसीं न्ह्यथंगु दु ।
Categorized in अन्तर्राष्ट्रिय