मेपि खुम्हेसित खनेदत कोरोना
लहनान्युज | बछलाथ्व नवमी ११४०,जेष्ठ ३ शनिवाः
नेपालय् हाकन मेपि खुम्हसिके कोरोना भाइरसया संक्रमण पुष्टि जूगु दु ।
थौं सुथय् पर्साय् निम्हसिके, बर्दिया, सिराहा, सर्लाही व चितवनय् छम्ह–छम्हेसिके कोरोनाया संक्रमण पुष्टि जूगु दु ।
थौं बिःगु स्वास्थ्य तथा जनसंख्या मन्त्रालयया कथं बर्दिया नार्खु–११या २८दँया मिसा, सिराहा सखुवा–१९या ३०दँया मिजं व पर्सा वीरगञ्ज–१२या २८ व २९दँया मिजंतय्त संक्रमण जूगु दु ।
अथेतु,सर्लाही रामनगर–४या १८दँया मिसा व चितवन गढौली–१या २५दँया मिसातय्त कोरोनाया संक्रमण जूगु खः ।
येँया राष्ट्रिय जनस्वास्थ्य प्रयोगशालाय् इमिगु स्वाव परीक्षण याःगु खँ मन्त्रालयं धाःगु दु । थ्व नाप आ नेपालय् मुक्कं २७३ म्ह कोरोनाया संक्रमण खने दत ।
