मेपि झीम्हेसित कोरोना खनेदत
लहनान्युज | बछलाथ्व दशमी ११४०,जेष्ठ ४ आइतवाः
नेपालय् मेपि झीम्हेसित कोरोना भाइरस (कोभिड १९) संक्रमित खने दुगु दु । थ्व नाप आ संक्रमित जुपिनिगु ल्याः २९१म्ह थ्यःगु दु ।
स्वास्थ्य मन्त्रालयया सहप्रवक्ता डा. समिरकुमार अधिकारीया कथं झीम्ह संक्रमित जुपि रौतहटयापि खः । इपि राजपुर नगरपालिका फरहदा–९ च्वपि १८, ३२, ३६, ३९, ३९, ४२, ४८ दँया मिजंपि कोरोना संक्रमण पुष्टि जुगु दु ।
थ्व नाप रौतहटया हे इशनाथ नगरपालिका ३ व ५ नम्बर वडाया २८, ३० व ३३ दँया मिजंपिन्त कोरोना पुष्टि जुगु दु धका डा. अधिकारीपाखे जारी विज्ञप्तिइ उल्लेख याःगु दु ।
इमिगु कोरोना परीक्षण राष्ट्रिय जनस्वास्थ्य प्रयोगशाला येँय् हःगु खः । आतक इमिगु स्वास्थ्य सामान्य दुगु मन्त्रालयं धाःगु दु ।
