मेलम्ची खानेपानी आयोजनाया मुहानय् खुसिबाः दुहाँवंगुलिं स्वनिगलय् आपूर्ति जुयाच्वंगु लः थौनसें अस्थायी रूपं बन्द जूगु दु।

काठमाडौँ उपत्यका खानेपानी लिमिटेड (केयुकेएल) या प्रवक्ता वीरबहादुर चन्दया कथं मेलम्चीया मुहानय् लः बुलूगुलिं प्रशोधन प्रक्रिया जटिल जूगुलिं मेलम्चीं सुन्दरीजलया प्रशोधन केन्द्रय् प्रवाह जुइगु लःया आपूर्ति अस्थायी रूपं दिकूगु खः।

वय्कलं धयादिल, “वा वयाः मुहानय् लः तसकं बुलूगु दु, गुणस्तरय् सुधार जुइधुंकाः हाकनं प्रशोधन प्रक्रिया न्ह्याकाः न्हापा क्वःछिनातःगु वितरण तालिकाकथं लः आपूर्ति सञ्चालन जुइ।” मद्दिक वा वयाच्वंसा येँय् जल आपूर्ति यायेत छुं भतिचा ई कायेफु।

Categorized in राष्ट्रिय