मेसीं सन्यास लित काल
दिल्लाथ्व १, ११३६ (जुलाइ ५, २०१६)
अन्तर्राष्ट्रिय फुटबलं जगतं सन्यास घोषणा याःम्ह फुटबल स्टार लियोनेल मेसीं सन्यास लित काःगु दु ।
कोपा अमेरिकाया फाइनलय् चिलीलिसे बुइधुंकाः अर्जेन्टिनी स्टार कासामिं मेसीं अन्तर्राष्ट्रिय फुटबलं सन्यास घोषणा याःगु खः । तर वइगु नोभेम्बरनिसें जुइगु विश्वकप क्वालिफाइ कासाय् मेसी ख्यलय् कुहांवइगु धाःगु दु ।
अर्जेन्टिनां पिदनीगु पत्रिका ‘ला नेसन’या कथं मेसीं अन्तर्राष्ट्रिय फुटबलय् थम्हं म्हितेगु धाःगु खः । अर्जेन्टिनी टिमया हे छम्ह पुलांम्ह दुजःयात उद्धृत यासें उगु अखबारं मेसी हाकनं राष्ट्रिय टिमय् लिहां वइगु दाबी याःगु खः ।
सन्यास घोषणा धुंकाः महान फुटबलर नालातःम्ह डियागो म्याराडोनानिसें कयाः मेसीया सहकर्मीपिं, समर्थकपिं व अर्जेन्टिनाया राष्ट्रपतिं तकं मेसीयात सन्यास लित कायेत इनाप याःगु खः ।
Categorized in कासा
