मेस्सीं कीर्तिमानी खुक्वःखुसी बालोन डी’ओर अवार्ड त्याकल
लहना न्यूज | ने.सं. ११४० थिंलाथ्व अष्टमि (४ डिसेम्बर २०१९), बुधवाः
लियोनेल मेस्सीं कीर्तिमानी खुक्वःखुसी बालोन डी’ओरया अवार्ड त्याकल ।
बार्सिलोनाया कप्तान मेस्सीं सन् २०१५ थुखे न्हापांखुी थुगु अवार्ड त्याकूगु खः । व लिपा मेस्सीं सन् २०१०, ११, १२ व १५य् थुगु अवार्ड त्याकूगु खः ।
वंगु सिजन (२०१८–२०१९)य् क्लब व राष्ट्रिय टिमपाखें मेस्सीं मुक्कं ५४गू गोल याःगु खः । वय्कलं लिभरपुलया भर्जिल भान डिजेक व युभेन्टसया क्रिष्टियानो रोनाल्डोया ल्यूने लाकूसें खुक्वःखुसी थुगु अवार्ड त्याकूगु खः ।
कासामि व प्रशिक्षकपिनिगु मतया लिधंसाय् लःल्हाइगु थुगु अवार्ड थगुने रियल मेड्रिडया लुका मोड्रिचं त्याकूगु खः ।
अथे हे, थुगुसिनिसें उत्कृष्ट गोलरक्षकयात बीगु शुरु याःगु ‘याशिन ट्रफी’ लिभरपुलया एलोसनयात लःल्हाःगु दु । बालोड डी’ओर त्याकूम्ह छम्ह जक गोलरक्षक याशिनया नामं थुगु ट्रफी बीगु शुरु याःगु खः ।
थ्व हे झ्वलय् २१दँ क्वय्या उत्कृष्ट कासामियात लःल्हाइगु ‘कोपा ट्रफी’ युभेन्टर नापं नेदरल्याण्डसया डिफेण्डर माथेज डी लिग्टं त्याकूगु दु । वय्कःयात बालोन डी’ओर त्याकेधुंकूपिन्सं ल्यःगु खः ।
Categorized in कासा
