मेस्सीं ७०० गोल पुरा यात
लहनान्युज | दिल्लाथ्व एकादशि ११४०, असार १७ बुधवाः
बार्सिलोनाया कप्तान लियोनल मेस्सीं थःगु करियरय् न्ह्यसः गोल पूरा याःगु दु ।
ला लिगाय् वःगु चान्ह्य एट्लेटिको मड्रिड विरुद्धया कासाय् मेस्सीं थःगु करियरय् न्ह्यसः गोल पूरा याःगु खः ।
एट्लेटिको नापया कासाय् निगु निगु गोलया बराबरी म्हिता बार्सिलोनाया लागि मेस्सीं छगू गोल पेनाल्टी यासे ७०० गोल पूरा याःगु खः ।
मेस्सीं ६३० गोल बार्सिलोनाया लागि व ६० गोल राष्ट्रिय टिमया जर्सीं याःगु खः ।
अर्जेन्टिनाया कप्तान तक जुइ धुकुम्ह मेस्सी ७०० गोल पूरा याम्ह निम्हम्ह जूगु दु ।
थ्व स्वया न्ह्यः पोर्चुगलया क्रिस्टियानो रोनाल्डों न्हापां ७०० गोल पूरा याःगु खः ।
३३ दँ दुम्ह मेस्सीं ८६० कासाय् ७०० गोल पूरा याःगु खः ।
