मेस्सी विनाया बार्सिलोनां रियाल यात त्याकल
गुंलाथ्व अष्टमी ११४१, साउन ३२ सोमबाः
स्पेनिस लिग फुटबल ला लिगाय् बार्सिलोनां विजयी सुरुवात याःगु दु ।
१७ दँलिपा लियोनल मेस्सी मदय्कं सिजन शुरुवात याःगु बाािर्सलोनां वंगु चान्हय् जूगु कासाय् रियाल सोसिडाडयात ४गू–२गूया गोल अन्तरं बुकल । बार्सा त्यागुलिइ मार्टिन ब्रेथवेटं निगू गोल याःबलय् जेरार्ड पिके व सर्जी रोबर्टों छगू छगू गोल याःगु खः ।
सोसीडाडया युलेन लोबेते व मिकेल ओयरजबालं निगु गोल याःगु खः । थुगु सिजन लियोनल मेस्सीं बार्सिलोना त्वःतेधुंका टोलीं गुकथं ब्वज्या याइ धइगु सकसिया कौतुहलताया दथुइ शानदार सुरुवात याःगु खः ।
ला लिगाया हे मेगु कासाय् एथ्लेटिको मड्रिडं सेल्टा भिगोयात २गू–१गू गोल अन्तरं बुकुबलय् सेभियां रायो भायकानोयात ३गू–०या गोल अन्तरं बुकल ।
Categorized in कासा
