मैत्रीपूर्ण कासाय् रुसं बुल्गेरियात बुकल, अर्मानियायात स्वीडेन ३–१ त्याकल
कछलागा एकादशी ११४१,जेष्ठ २३ आईतवाः
युरोकप छनोट न्ह्यःया मैत्रीपूर्ण कासाय् रुसं बुल्गेरियायात बुकल।
वंगु चान्हय् जूगु कासाय् रुसं बुल्गेरियायात १–०या गोल अन्तरं बुकुगु खः । उमिगु नितिं सोभोलेभं ८४गूगु मिनेटय् पेनाल्टीपाखें गोल याःगु खः । फिफा वरीयताय् रुस ३८गूगु थासय् दुसा बुल्गेरिया ७१गूगु थासय् दु ।
अथेहे वंगु चान्हय् हे जूगु मेगु् कासाय् वेल्स व अल्बानियां गोल मयासें ज्वलिन्ज्वः म्हितूगु दु । विश्व वरीयताय् १७गूगु थासय् दूगु वेल्सं ६६गूगु थाय्या अल्बानियायात बुके मफुत ।
अथेहे स्वीडेनं अर्मानियायात ३–१गूया गोल अन्तरं बुकुगु दु । युरोकप फुटबल वइगु शुक्रबाः निसें न्ह्यायेत्यंगु दु ।
