म्यानचेस्टरं लुटन टाउनयात ३—० गोल त्याकल
मिलन कुमार | अनलाथ्व सप्तमी ११४०,असोज ७ बुधवाः
कारावाओ पक फुटबलय् म्यानचेस्टर युनाइटेड त्याःगु दु ।
म्हिगः मंगलवाः चान्ह्य जुगु कासाय् लुटन टाउनयात ३—० गोल त्याका युनाइटेड मेगु चरणय् थ्यःगु दु ।
लुटनया घरेलु मैदानय् जुगु कासाय् युनाइटेडयात त्याकेत जुआन माटा, यमार्कुस रासफोर्ड व मासन ग्रिनवुडं छगु छगु गोल याःगु खः । न्हापागु हाफय् १—० गोल न्ह्यने लागु खःसा युनाइटेडं निगु हाफय् मेगु निगु गोल याःगु खः ।
कासाया ४४ गु मिनेटय् माटां पेनाल्टी गोल याना युनाइटेडयात न्हापागु हाफय् याःगु खःसा ८८ गु मिनेटय् मार्कुस रासफोर्ड गोल याःगु खःसा इन्जुरीया इलय् ग्रिनउडं गोल याःगु खः।
Categorized in कासा
