म्यानमारय् सैन्य शासनया विरोधय् ब्वज्या यानाच्वंपिं ब्वज्यामितये दथुइ सेनाया गाडी न्याकुबलय् आपालं घाःपाः जूगु दु ।

सैन्य कु या विरोधय् यांगुनय् मदिक्क ब्वज्या यानाच्वंपिं दथुइ सेनाया ट्रक ब्वाकुगु खः । तच्वगु गतिया सैनिक ट्रकं ठक्क्र बिइगु न्ह्याकेगुधुंका ब्वज्यामित तितरबितर जूगु खः ।

उगु झ्वलय् आपालं ब्वज्यामि घाःपाः जूगु बुखँ दु । ट्रकं ठक्कर नकेधुंका सेनां सुं सुंयात गोलीं कयेकुगु व सुं सुंयात बाँमलाक्क ल्हा वाःगु धाःगु दु । ब्वज्याया झ्वलय् ११ म्हसित ज्वंगु व ३म्ह घाःपाः जूगु सेनाया दाबी दु ।

तर ब्वज्यामितयेसं धाःसा आपालं घाःपाः जूगु धाःगु दु । म्यानमारय् वंगु फेब्रुअरीइ सैनिक कु जूगु थुखे १२सः सिवें आपा ब्वज्यामि सीगु दु  ।

Categorized in अन्तर्राष्ट्रिय