म्यान यु च्याम्पियन्स लिगं पिहांवन
लहनान्युज | ने.सं. ११३८ चिल्लागा १२ (१४ मार्च २०१८), बुधवाः
च्याम्पियन्स लिग फुटबल कासा अन्तरगत प्रि–क्वाटरफाइनलया निगूगु लेगय् सेभिल्लालिसे बुइवं इङ्गलिस प्रिमियर क्लब म्यानचेस्टर युनाइटेड कासापाखें पिहांवंगु दु ।
न्हापांगु लेगय् गोलरहित बराबरी कासा म्हितूगु पूर्व च्याम्पियन म्यानचेस्टर युनाइटेड निगूगु लेगय् सेभिल्लालिसे १ गूया विरुद्ध २गू गोलं बूगु खः ।
युनाइटेडयात बूकेगु नितिं स्पेनिस क्लब सेभिल्लाया सब्स्टिच्यूड कासामि विसाम बेनं निगू गोल याःगु खः ।
न्हापांगु हाफ गोलरहित बराबरी कासा म्हितूगु सेभिल्लाया नितिं बेनं ७४गूगु मिनेटय् गोल यानाः न्ह्यःने लाकूगु खःसा उकिया प्यंगू मिनेट लिपा हे हाकनं मेगु गोल याःगु खः ।
म्यानचेष्टर युनाइटेडया नितिं रामेलु लुकाकुं ८४ गूगु मिनेटय् गोल याःसां नं कासा बुइगुपाखें धाःसा बचे यायेमफुत ।
Categorized in कासा
