२०७७ माघ ८, बिहिबार

यलया तत्कालिन प्रमुख नापी अधिकृतलिसें न्याम्ह विरुद्ध भ्रष्टाचार मुद्दा दायर

लहनान्युज | ने.सं. ११३९ तछलाथ्व तृतिया (६ जुन, २०१९), विहिवाः

अख्तियार दुरुपयोग अनुसन्धान आयोगं नापी ज्याकुथि यलया तत्कालिन प्रमुख नापी अधिकृत भरतसिंह ऐरलिसें न्याम्ह विरुद्ध विशेष अदालतय् भ्रष्टाचार मुद्दा दायर याःगु दु ।
 
 
जग्गाया क्षेत्रफल भिंकेगु नामय् नमूना मच्छिन्द्र क्याम्पस, लगंख्यःया ४ आना ३ पैसा जग्गा ब्यक्तिगत लाभ कयाः मञ्जुतारा शाक्यया नामय् दुथ्याकाः स्रेस्ता कायम याःगु पुष्टि जूगुलिं मुद्दा न्ह्याकूगु अख्तियारं न्ह्यथंगु दु ।
 
 
नापी अधिकृत ऐरलिसें तत्कालीन नापी सर्भेक्षक केशवनाथ कट्टेल, कुमार केसी व नारायण दास श्रेष्ठलिसें जग्गाधनी मञ्जुतारा शाक्य विरुद्ध मुद्दा दायर याःगु खः ।
 
 
उमित १७गू लख ८१द्वः तकाया विगो कायम यानाः जरिवाना व हदतकया कैद सजाँय यायेत अभियोगपतिइ मागदावी यानातःगु दु ।
 
 
मुद्दा दायर यायेवं प्यम्हं निजामती कर्मचारी सेवापाखें निलम्बित जूगु दु ।
Categorized in अपराध