यलय् आरोग्य फाउन्डेसन व निदान अस्पतालय् सिल
लहनान्युज | बछलागा षष्ठी ११४०, बैसाख ३१ बुधवाः
पुच्वःया आरोग्य फाउन्डेसन व निदान अस्पतालय् न थौं सिल याःगु दु ।
आरोग्य फाउन्डेसनय् ज्या याइम्ह छम्ह नर्सयात मंगलवाः कोरोना भाइरस (कोभिड–१९) संक्रमण पुष्टि जुगु खः ।
वया कन्ह्य कुन्हु हे छगु हे भवनय् दुगु फाउन्डेसन नाप निदान अस्पतालय् न सिल याःगु खः ।
कोरोनाया सम्भावित संक्रमणयात जोखिम म्हो यायेत स्वास्थ्य संस्था दुगु भवन न सिल याःगु धका प्रहरीं धाःगु खः ।
थौं बुधवाः सुथय् उगु छेँय् सिल यासे अन सुरक्षाकःमिपिन्स सुयात न छ्वःगु मदु ।
