यलय् निम्ह कोरोना संक्रमित मन्त
लहानान्युज | अनलाथ्व सप्तमी ११४०,असोज ७ बुधवाः
यलय् निम्ह कोरोना संक्रमित मिजंपि मदुगु दु।
स्वास्थ्य कार्यालय ललितपुरं छगु विज्ञप्ति जारी यासे अल्का अस्पतालय् वासः यायेगु झ्वलय् ७४ दँ दुम्ह मिजंम्ह थौं सुथय् मदुगु खः।
उम्ह मनू वःगु भदौ १७ गते कलेजोय् समस्या वया वासः यायेत अस्पतालय् हःगु खः।
अथेहे यलया मेघा अस्पतालय् वासः याका वयाच्वम्ह ८० दँ दुम्ह कोरोना संक्रमितम्ह म्हिगः बहनि ५ बजेय् मदुगु खः।
उम्ह मनू म्हिगः न्हिनय् जक वासः यायेत अस्पताल भर्ना जुगु धका स्वास्थ्य कार्यालय ललितपुर धाःगु दु।
Categorized in राष्ट्रिय
