२०८० चैत्र १५, बिहिबार

यलय् बृहत साहित्य सम्मेलन

लहनान्युज | चौलागा अष्टमी ११३८ (अप्रिल ८ २०१८)

नेपाल मण्डल साहित्य प्रतिष्ठानया ग्वसालय् शनिवाः यलया लगंख्यलय्  बृहत साहित्य सम्मेलन व हना ज्याझ्वः तःजिक क्वचाःगु दु । 
 
 
जगमोहन वामी मूपाहाँ कथं झायादीगु ज्याझ्वलय् शताब्दी पुरुष सत्यमोहन जोशी, यज्ञ रत्न धाख्वाः, ऋषि श्रेष्ठ लक्ष्मण राजबंशी व वल्र्ड नेवाः अर्गनाइजेशनया नायः सिजन श्रेष्ठ पाहाँ कथ झायादीगु खः । 
 
मूपाहाँ वामीं न्याम्ह थीथी ख्यःया व्यक्तित्वपिन्त हनादीगु खः । उगु ज्याझ्वलय् “मेनका हना”सुधिर ख्ववि, यलयात, “निर्मला लुमन्ति हना” गोविन्द मान श्रेष्ठ, ख्वपयात, “डा. कौशल्या लुमन्ति हना” डा. रिना तुलाधर बनिया, येँयात, “संगीत रत्न लुमन्ती हना” श्याम तमोट, भोजपुरयात व “सुर हना ११३८ पत्रकारिता” राजेन्द्र रञ्जित, येँयात म्हतिं न्याद्वः तका दां सिरपाःया दातापिं मेनका देवी ख्वःसीं ‘निनि’, ई. राज दास श्रेष्ठ, बरिष्ठ साहित्यकार मथुरा साय्मि, सूर्य माया खड्गी व सूर बहादुर श्रेष्ठपिसं लःल्हाःगु खः ।
 
 
 
बद्री बेदनाया नायःसुइ जुगु उगु ज्याझ्वलय् सगेन्द्र महर्जन व सुनिल बज्राचार्यं न्ह्याकादीगु खः ।
 
 
उगु ज्याझ्वलय् लोककवि राजभाइ जकःमि, मंगल नारायण जोशी, अमृत मान जः, श्याम ‘आशा’ कायस्थ, ज्ञानीराजा मानन्धर, एलिस महर्जन, राकेश महर्जन, नरेश अमात्य, तिर्थरत्न शाक्य, कबिन्द्रलाल प्रधान, प्रेम कृष्ण ताम्राकार, कृष्ण सायमि, रामभक्त महर्जन, भद्र कुमार ताम्राकार, नानी मैया श्रेष्ठ, नरेन्द्र महर्जन, बुद्ध नेवाः, दश राज शाक्य, मानिक उराय, बिमलप्रभा बज्राचार्य, रमेश मानन्धर, इन्द्रमान महर्जन, सुवर्ण महर्जन, अर्जुन नेपाःमि, रेणु श्रेष्ठ, बसन्त नकःमि, मिलन शाक्य लगायतयापिसं थःथः च्वसु ब्वनाः न्यंकादीगु खः । 
 
उगु ज्याझ्वलय् जुजु काजी रञ्जित व महन्त मल्लं सकसिगु नुगलय् थिइक म्ये हालाः न्यंकादीगु खः ।
 
बुखँ नेवाः सूचना केन्द्र 
 
किपा अमिर मैया रञ्जित
 
Categorized in राष्ट्रिय