यलय् १८दँ च्वयेपिन्त कोरोनाविरुद्धया खोप न्ह्यात
ञंलागा औंसी ११४१, असोज २० बुधवाः
यलय् थौंनिसें १८दँ च्वयेया सकलेंसित कोरोनाविरुद्धया खोप तयेकीगु जूगु दु ।
जिल्ला स्वास्थ्य ज्याकू यलं क्वःछिनातःगु खोप केन्द्रपाखें खोप तयेकेगु तयारी यानाच्वंगु दु । नखःचखःया ईलय् भीडभाड अप्वयेफइगु अले कोभिड–१९ न्यनेफइगु जुयाः उकियात मध्यनजर यानाः खोप ज्याझ्वः न्ह्याकूगु खः ।
खोपया नितिं थःत छिंगु थासय् पालिकां क्वःछिनातःगु खोप केन्द्रय् वनाः खोप कायेत स्वास्थ्य ज्याकुथीं इनाप याःगु दु ।
येँ महानगरपालिकां वंगु वालंनिसें हे १८दँ च्वयेया मनूतय्त भेरोसेल खोप तयेकाच्वंगु दु ।
Categorized in राष्ट्रिय
