२०८० चैत्र १५, बिहिबार

यल ब्याडमिन्टन धें धें वल्ला क्वचाल

लहनान्युज | कौलागा चर्तुदशी ११३८ ( नोभेम्वर ६ ११ )

इलेभेन स्टार क्लबया ग्वसालय् झिक्वःगु यल ब्याडमिन्टन धें धें वल्ला क्वचाःगु दु ।
 
उगु कासाय् नागबहाःया सनिल व सुमनया जोडीं नागबहाःया हे ससिन डगोंल व सुमित शाक्यपिन्त बुकाः त्याकुगु खः । दथुलंया राजु बज्राचार्य व सुमित महर्जन अथेहे रत्नकाजी बज्राचार्य व सदिंप शाक्यया जोडी लियां ल्यू लागु जुल ।
 
 
वःगु कार्तिक १० गते निसें न्ह्यागु कासाय् यू १५ एकलय् नागबहाःया सहज शाक्य न्हाप , सुजल शाक्य ल्यू व श्रवण शाक्य नापं प्याःपूखुया पूजन चित्रकार ल्यू लागु कासाय् मिक्स डबल्स पाखे दथुलंया राजु बज्राचार्य व यास्ना डगोंलया जोडी न्हाप , दथुलंया हे सुमित महर्जन व लिपी बज्राचार्य ल्यू , नागबहाःया सुमन शाक्य व प्रकृति शाक्य अथेहे ओकुबहाया दिपेश शाक्य व सुपलाः बज्राचार्य लियां ल्यू लागु जुल ।
 
 
नापं भेट्रान्स पाखे मगंया बिरेन्द्र लाल श्रेष्ठ एवम किशोर ब्यञ्जनकार न्हाप लातसा नागबहाःया सुदिम शाक्य व प्रवीण शाक्य ल्यू लागु इभेन्टय ओकुबहाया कमल शाक्य व राजेश शाक्य नापं प्याः पूखुया पूर्ण चित्रकार व कमल राजकर्णिकार लियां ल्यू लागु खः ।
 
 
Categorized in कासा