यल महानगरया लुखाय् लः त्वनिगु एटीएम
लहनान्युज | सिल्लागा चर्तुदशी ११३९ (मार्च ५ २०१९)
यल महानगरपालिकाया लुखाय् ‘वाटर एटीएम’ सञ्चालन जुगु दु । नेपालय् हे न्हापागु पटक ‘वाटर एटीएम’ जुगुुु खः । थौं मंगलवाः खानेपानी मन्त्री बिना मगरं छगु ज्याझ्वः दथुइ उलेज्या यानादीगु खः । उगु ‘वाटर एटीएम’ छगु गिलास लः नितका ध्यवा त्वनेगु ब्यवस्था याना तःगु खः ।
काठमाण्डौ उपत्यका खानेपानी व्यवस्थापन वोर्डया लागनीं ‘वाटर एटीएम’ पानी पंधेरो सञ्चालन जुगु खः । थ्व ‘वाटर एटीएम’ पानी पंधेरोयात सञ्चालन यायेगु लागि सुपिङ इन्टरनेशनल नेपालं स्वला तक समन्वय याःगु खः ।
थुगु ब्यवस्थापन यायेत काठमाण्डौ उपत्यका खानेपानी व्यवस्थापन वोर्ड व ललितपुर महानगरपािलका याःगु खः ।
‘वाटर एटीएम’या उलेज्या लिपा मन्त्री मगर व महानगरपालिकाया उपमेयर गीता सत्यालं सःता लःत्वकुगु खः ।
थुगु ‘वाटर एटीएम’ यात काठमाण्डौ उपत्यका खानेपानी व्यवस्थापन वोर्डं काठमाण्डौ उपत्यकाय् १९ गु थासय् सञ्चालनय् हयेगु तयारी याना च्वंगु दु ।
