२०८१ आषाढ ११, मंगलबार

यल व ख्वपय् विरोध प्रदर्शन यायेगु थाय् क्वःछित

लहनान्युज | तछलाथ्व पुन्हि ११३८ ( जुन २८ २०१८ )

सरकारं यल व ख्वपय् न विरोध प्रदर्शन याये दइगु थाय् क्वःछिगु दु । विरोध प्रदर्शन क्वःछिगु थाय् बाहेक मेगु थासय् प्रदर्शन वा सभा याये मदेइगु जुगुु दु ।
 
 
यलया च्यासः खेलमैदान, गोदावरी बसपार्क न्ह्यने खुसीया खाली थासय् , भैंसेपाटी छ्यासीकोटया खाली थासय् , बज्रबाराही, लुभुको ससमुचौर, धोविघाट न्ह्यने मलपूखुया खाली थासय् प्रदर्शन व सभा यायेगु थाय् त्वके याःगु दु ।
 
 
अथेहे ख्वपय् प्रदर्शन व सभा यायेगु लागि सल्लाघारीया नेपाल ट्रष्टया खाली जग्गा खः । 
 
 
थ्व हे साउन १ निसे थुगु निर्णय कार्यान्वयन जुइगु  नाप त्वके याःगु थासय् बाहेक मेगु थासय् प्रदर्शन व सभा याये मदइग् धकाः गृह मन्त्रालयं थौं छगु पत्रकार सम्मेलन याना थुगु खँया जानकारी बिगु खः ।
 
 
थ्व स्वया न्ह्यः येँय् या न्ह्ययेगु थासय् नं थः थे थाय् त्वके याःगु खः ।
 
 
येँ प्रदर्शन व सभा यायेत खुलामञ्च, तीनकुनेया खाली जग्गा, स्वयम्भू, पेस्पीकोलाया खेलमैदान, लैनचौर खेलमैदान, गौशाला सिफलचौरय् थाय् त्वके याःगु खः ।
Categorized in राजनीति