यातायात अध्ययन कार्यदलं मेयर शाक्ययात प्रतिवेदन लःल्हात
लहानान्युज | गुंलाथ्व पंचमी ११४१,साउन २९ शुक्रवाः
यातायात न्ह्याकेगु अध्ययन कार्यदलं ‘तःहाकःगु सार्वजनिक सवारी साधन व्यवस्थापन सम्बन्धी अध्ययन प्रतिवेदन २०४८’ लःल्हागु दु ।
येँ महानगरपालिकाया उपप्रमुख हरिप्रभा खड्गी श्रेष्ठ संयोजक जुयादिगु न्याम्ह दुजःया कार्यदलं येँ महानगरपालिकाया प्रमुख विद्या सुन्दर शाक्ययात थौं अध्ययन प्रतिवेदन लःलहागु खः ।
प्रतिवेदनय् याकनं हे सार्वजनिक सवारी ज्वलया व्यवस्थापनया नितिं जडिबुटी तां पूर्वया मनोहरा खुसीया करिडोर मर्मत सम्भार याना सल्लाघारी तीनकुने सतक किनारापाखे थथेंया नितिं धुलिखेल पूर्वपाखेया सार्वजनिक सवारी न्ह्याकेफइगु न्ह्यथनातःगु दु ।
अथेहे नेपाल सरकार, प्रदेश सरकार, स्वनिगः दुनेया पालका व सवारी साधन व्यवसायीलिसे समन्वय, सहकार्य व ब्वतिइ सवारी साधनया ज्या, प्रकृति लिसें न्ह्याइगु दूरी व सहरी यातायातय् थीथी टर्मिनलया विकास यायेत महानगरपालिकां पहल यायेगु प्रतिवेदनय् न्ह्यथनातःगु दु ।
प्रतिवेदन लःल्हाना कासें प्रमुख शाक्यं कार्यपालिका मुँज्याय् उगु प्रतिवेदन एजेण्डा कथं हे न्ह्यब्वया सहलह न्ह्याकेगु धयादिल । “थ्वः महानगरपाकिलाया जक समस्या मखु । थ्व प्रदेश व संघीय सरकारया हे समस्या ख,” शाक्ंयं धयादिल । वय्कलं व्यवसायीपिंलिसें समन्वय याना बसपार्कया पूर्वाधार निर्माणया नितिं महानगरपालिकां समन्वय यायेगु भलसा नं प्वंकादिल ।
प्रतिवेदनय् स्वनिगःलय् १४गू लखः थीथी सवारी ज्वलं त न्ह्यानाच्वंगु व उकि ८०गू प्रतिशत सवारी येँ महानगरपालिका क्षेत्र केन्द्रित जूया न्ह्यानाच्वंगु तथ्यांक दूगु नं न्ह्यथंगु दु ।
