यातायात व्यवसायीपिन्सं पठाओ चालकयात ल्हाः वात
लहनान्यूज | दिल्लाथ्व त्रयोदशी ११४१,साउन ७ बिहीवाः
भाडा थकायेमाःगु माग याना आन्दोलन यानाच्वंपिं यातायात व्यावसायीपिन्सं पठाओ चालकयात बाँमलाक्क ल्हाः वाःगु दु ।
शान्तिपूर्ण धाःगु आन्दोलनया झ्वलय् यलःया एकान्तकुनाय् पठाओया स्वम्ह चालकयात दाःगु खः । आन्दोलनकारीपिन्सं यात्रु ल्ह्याच्वपिं पठाओया चालकपिन्त दिकाः ल्हाः वाःगु खः ।
अथेहे येँया रत्नपार्कय् नं पठाओ चालकपिं प्रर्दशनकारीपिनिगु निशानाय् लाःगु दु । पठाओया चालकपिन्त ल्हाः वाःगु यात स्थानीयपिन्सं तकं विरोध याःगु दु । पठाओया चालकपिन्त ल्हाः वायेगु अप्वःसेंलि उमिसं थःगु म्हसिका दूगु युनिफर्म तकं मफिया वःगु खः ।
उखे भाडा थकायेमाःगु माग तया सार्वजनिक सवारी लिसें मिटर ट्याक्सी व्यवसायीतय्सं स्वनिगः केन्द्रित आन्दोलन न्ह्याकूगु खः । कर व मूल्यवृद्धि जूबलें तक्कं भाडा समायोजन मजूगु धासें भाडा अप्वेकेत आन्दोलन यानागु उमिसं धाल ।
उमिसं थौं विरोध कथं येँ स्वनिगःया रिङ्गरोड दुने व पिने न्ह्यानाच्वंगु ट्याक्सी व सार्वजनिक यातायातया साधन थौं रिङ्गरोड जम्मा याना ¥याली पिकाःगु खः । सार्वजनिक सवारी ¥यालीया हुनिं येँया ट्राफिक व्यवस्थापन अस्तब्यस्त जूगु खः धाःसा यात्रु त विचल्ली जूगु खः ।
