युएईलय् छवाः दुने न्याम्ह नेपाली कोरोनां मन्त
हलियकं महामारी कोरोना भाइरस (कोभिड १९) संक्रमणपाखे विदेशय् न्याम्ह नेपाली मदुगु दु धका गैरआवासीय नेपाली संघ (एनआरएनए) नं धाःगु दु ।
 
एनआरएनए स्वास्थ्य समितिया संयोजकया कथं युएईलय् न्याम्ह नेपाली मन्त धका धाःगु दु ।
 
थ्व नाप शनिवाः बहनि तक विदेशया थीथी थासय् १६ गु देशय् संक्रमणया कारण नेपालीपि निसः न मल्याक सी धुकुगु दु धका एनआरएनए नं धाःगु दु ।
 
स्वास्थ्य समितिया कथं थुगु वाःय् जक दक्षिण कोरियाय् न्हापां छम्ह नेपाली कोरोना भाइरसया संक्रमण मदुगु दु ।
 
जापान, अष्ट्रेलिया  कतार लगायतया देशय् थुगु वाःय् कोरोना संक्रमणया दरय् सामान्य रुपं अप्वोगु दु  ।
 
आःतक हलियक ४० गु देशय् नेपालीपिन्ति कोरोना भाइरसपाखे संक्रमित जूयाच्वंगु दु ।
 
आःतक नेपाल बाहेक विदेशय् जक ३४ हजार ९३९म्हेसिके कोरोना संक्रमण खने दये धुकुगु दु । ३२ हजार ९८९ म्ह कोरोना संक्रमणपाखे मुक्त जुइ धुकुगु दु धका समितिं धाःगु दु ।