युएफा सुपर कप फुटबलया उपाधि चेल्सीयात
गुंलाथ्व चतुर्थी ११४१,साउन २८ बिहीवाः
थुगुसिया युएफा सुपर कप फुटबलया उपाधि चेल्सीं त्याकूगु दु ।
नर्दन आयरल्याण्डया बेलफाष्टय् वंगु चान्हय् जूगु कासाय् स्पेसिन क्लब भियारियालयात पेनाल्टी सुट आउटय् बुकाः इंग्लीश क्लब चेल्सीं उपाधि त्याकूगु खः । कासाया न्हापांगु हाफय् चेल्सीया हकिम जियचं गोल यायेवं पुचः न्ह्यःनय् थ्यंगु खः ।
निगूगु हाफय् भियारियालया जेरार्ड मोरेनों छगोल नकेवं कासा ज्वलिंज्वः जूगु खः । अनलिं कासाय् ई थप यायेमाल । थप याःगु ईलय् न निगुलिं पुचलं गोल यायेमफयेवं कासायात टाई ब्रेकरमार्फत लिच्वलय् थ्यंकूगु दु । टाई ब्रकेरय् चेल्सी, ६–५गू गोलअन्तरं त्याकूगु दु ।
सुरुं ५गोल थ्वाःगु मध्ये निगुलिं पुचलं ४गोल–४गोल यायेवं सडन डेथया लिधंसाय् त्याकूमि ल्यःगु खः । सडन डेथया निगूगु प्रहारय् भियारियालया कप्तान राउल अल्बियोलया प्रहार चेल्सीया गोलरक्षक केपा अरिजाबालागां पनेवं चेल्सी त्याःगु खः ।
युएफा सुपर कपय् च्याम्पियन्स लिग व युरोपा लिगया त्याकूमिं धेंधेंबल्ला याइ । सुपर कपया उपाधिलिसे चेल्सीं थ्व सिजनया इंग्लीश प्रिमियर लिगय् बाँलाक्क दाबी याइगु संकेत खनेदु । प्रिमियर लिगया न्हूगु सिजन कन्हय्निसें न्ह्याइ ।
Categorized in कासा
