बेलायती किशोरी इम्मा राडुकानुं थुगुसिइया युएस ओपन टेनिसया उपाधि त्याकुगु दु ।

अमेरिकाया न्युयोर्कय् २४ द्वः स्वकुमि दथुइ जूगु फाईनल कासाय् क्यानाडाया लेलाह फर्नान्डेजयात बुका १८ दँया राडुकानुं ४४ दँ लिपा बेलायतयात युएस ओपन त्याकुगु दु ।

क्यानाडाय् जन्म जूम्ह राडुकानुं उपाधिया नितिं क्यानाडाया हे १९दँया कासामि फर्नान्डेजयात ६गू–४गू व ६गू–३गू तप्यंक सेटय् बुकुगु दु ।

युएस ओपनया मिजंपाखे नोभाक जोकोभिच व डानिल मेद्बेदेभ उपाधिया नितिं म्हितिइ ।

सेमिफाईनलय् जर्मनीया अलेक्जेण्डर भेरेभयात बुका जोकोभिच व क्यानाडाया फेलिक्स औगरयात बुका मेद्बेदेभ फाईनलय् थ्यंगु खः

 

Categorized in कासा