युरोकप फुटबलय् समूह चरणया कासा क्वचाल
बछलाथ्व पुन्हि ११४१, असार १० बिहीवाः
युरोकप फुटबलय् समूह चरणया कासात क्वचागु दु । वंगु चान्हय्सिया कासालिपा जर्मनी, पोर्चुगल, स्पेन व युक्रेन नं राउण्ड अफ सिक्सटिनय् थ्यंगु खः ।
पुचः ‘एफ’ या लिपांगु कासाय् जर्मनी व हंगेरी लिसें फ्रान्स व पोर्चुगलं २गू–२गू गोलया ज्वलिन्ज्वः म्हितुगु दु । थुगु पुचःपाखें त्याकामि फ्रान्स, ल्यु त्याकामि जर्मनी व ३गूगु थाय्या पोर्चुगल राउण्ड अफ सिक्सटिनय् थ्यंगु दु ।
अथेहे पुचः ‘ई’ या लिपांगु कासाय् स्पेनं स्लोभाकियायात ५–० या गोल अन्तरं बुकुबलय् स्वीडेनं पोल्याण्डयात ३गू–२गूया गोल अन्तरं बुकल । वंगु चान्हय्सिया कासालिपा युरोकप फुटबलया राउण्ड अफ सिक्सटिनया कासा समिकरण क्वजिउगु दु ।
नकआउट चरणया न्हापांगु कासाय् शनिबाः वेल्सं डेनमार्कलिसे म्हितिइ । उगु हे दिं इटालीया धेंधेंबल्ला अष्ट्रियालिसे जुइ । राउण्ड अफ सिक्सटिनया मेगु कासाय् नेदरल्याण्ड्स व चेक रिपब्लिक, बेल्जियम व पोर्चुगल, स्पेन व क्रोएसिया, फ्रान्स व स्विीट्जरल्याण्ड, इंग्ल्याण्ड व जर्मनी अले स्विडेन व युक्रेन दथुइ धेंधेंबल्ला जुइ ।
Categorized in कासा
