युरोकप मैत्रीपूर्ण कासाय् पोर्चुगललिसे इजरायल ४–० गोलअन्तरं बुत
कछलागा औंसी ११४१,जेष्ठ २७ बिहीवाः
युरोकप फुटबलया तयारीइ दुगु पोर्चुगलं अभ्यास अन्तर्गतया मैत्रीपूर्ण कासा त्याकूगु दु ।
युरोकप न्ह्यःया थःगु लिपांगु मैत्रीपूर्ण कासाया झ्वलय् म्हिगः पोर्चुगलं इजरायलयात ४–० या तःधंगु अन्तरं त्याकूगु दु । न्हापांगु हाफय् २ गोल याःगु पोर्चुगलं निगूगु हाफय् तँसा निगू गोल याःगु खः ।
थुकिया लागिं ब्रुनो फेर्नान्डेसं निगू अले क्रिष्टियानो रोनाल्डो व क्यानसेलें १, १ गोल यात । ४२ मिनेटय् फेर्नान्डेसं गोल यासें टिमयात अग्रता ब्यूगु दु । ४४गूगु मिनेटय् रोनाल्डों अग्रता निदुगं यात ।
क्यानसेलों ८६गूगु मिनेटय् गोल यात सा फेर्नान्डेसं इन्जुरी ईया न्हापांगु अर्थात ९१गूगु मिनेटय् व्यक्तिगत निगूगु गोल यायेधुंकाः पोर्चुगलं ४–० या लिच्वः लिसें कासा थःगु ल्हातय् लाकेत ताःलात ।
पोर्चुगलं युरोकप २०२० अन्तर्गत वइगु मंगलबाः हंगेरीलिसे थःगु न्हापांगु कासा म्हिती ।
Categorized in कासा
