युरोकप मैत्रीपूर्ण कासाय् स्पेन व पोर्चुगल ज्वलिंज्वलय्
कछलागा दशमी ११४१, जेठ २२ शनिबाः
युरोकप तयारी कथं म्हितुगु अन्तर्राष्ट्रिय मैत्रीपूर्ण कासाय् स्पेन व पोर्चुगलं ज्वलिंज्व म्हितुगु दु ।
वान्डा मेट्रोपोलिटानो म्याड्रिड स्पेनय् वंगु चान्ह्य जूगु कासा गोल मजुस ज्वलिंज्वलय् क्वचाःगु खः । युरोकपया तयारीया लागि देयतय्सं अभ्यास कासा म्हिताच्वंगु दु ।
आः स्पेनं मेगु मैत्रीपूर्ण कासाय् लिथुआनियापलिसे व पोर्चुगलं इजरायललिसे म्हितिइ । वयांलिपा निगू टोली हे युरोकपय् ब्वति काइ । स्पेन पुचः ‘ई’लय् स्वीडेन, पोल्यान्ड व स्लोभाकिया लिसें पोर्चुगल लाःगु दु धाःसा पुचः ‘एफ’य् हंगेरी, जर्मनी व फ्रान्स लाःगु दु । अथेह वंगु चान्ह्य हे जूगु मेगु कासाय् इटालीं चेक गणतन्त्रयात ४–० या अन्तरं त्याःगु दु ।
इटालीया लागि कइरो इमोबाइल, नोकोलो वेरेल, लोरेन्जो इन्गिने व डोमेनिक वेराडिं छगू छगू गोल याःगु खः ।
