युरोपेली संघं चीमि देय्तय्त २० क्वःति डोज कोरोना भाइरसविरुद्धया खोप ग्वाहालि याइगु
ञंलाथ्व दशमी ११४१, भाद्र ३१ बिहीवाः
युरोपेली संघं चीमि देय्तय्त २० क्वःति डोज कोरोना भाइरसविरुद्धया खोप ग्वाहालि याइगु जूगु दु ।
युरोपेली संसदया मुँज्याय् युरोपेली आयोगया नायः उर्सुला भान डेर लेयनं चीमि राष्ट्रतय्त २० क्वःति खोप बीगु घोषणा यानादीगु खः ।
वय्कलं गरिव राष्ट्रतय्त तँसा २० क्वःति खोप डोज उपलब्ध याकेगु निर्णय जूगु जानकारी ब्युसें सन् २०२२ या दथुइ तक्कय् खोप उपलब्ध याकेधुंकेगु धयादिल ।
नायः भानं चीमि देय्तय्त बीगु ग्वाहालि विश्व स्वास्थ्यया हे नितिं योगदान व लगानीको रुपं कायेमाःगु धयादिल ।
युरोपेली संघं थ्व योजनाय् ग्वाहालि यायेत तःमि व शक्तिशाली राष्ट्रतय्त अपील याःगु दु ।
Categorized in अन्तर्राष्ट्रिय
