यूएफा च्याम्पियन्स लिगया नक आउट चरणया कासा धलः सार्वजनिक
थिंला एकादशी ११४२, मंसीर २८ मंंगलवाः
यूएफा च्याम्पियन्स लिग फुटबलया नक आउट चरणया कासा धलः सार्वजनिक याःगु दु ।
युएफां वंगु चान्हय् सार्वजनिक याःगु ‘ड्र’ कथं राउण्ड अफ सिक्सटिनय् साविक त्याकामि चेल्सीं फ्रेन्च क्लब लिलनाप धेंधेंबल्ला याइगु जूगु दु ।
अथेहे, लियोनल मेस्सी दुगु पेरिस सेन्ट जर्मेन (पीएसजी) व रियल मड्रिडदथुइ धेंधेंबल्ला जुइ । लिभरपुलं राउण्ड अफ सिक्सटिनय् इन्टर मिलाननाप धेंधेंबल्ला याइबलय् म्यान्चेस्टर सिटीं स्पोर्टिङ लिस्बननाप म्हिती ।
जर्मन क्लब बायर्न म्युनिखं अष्ट्रियाया साल्जवर्गनाप म्हितीबलय् पोर्चुगलया बेनिफीकां आयाक्सनाप धेंधेंबल्ला याइगु जूगु दु ।
अथेहे, इंग्ल्याण्डया म्यान्चेस्टर युनाईटेडं स्पेनया एट्लेटिको मड्रिड व ्रइटालीया युभेन्टसं स्पेनया भियारियालनाप म्हिती । राउण्ड अफ सिक्सटिनया कासात फेब्रुअरी १५ तारिखय् न्ह्याइ ।
Categorized in कासा