यूएस ओपन टेनिस
गुंलागा चतुर्दशी ११४१, भाद्र २२ मंगलबाः
जर्मन टेनिस कासामि अलेक्जेण्डर भेरेभ युएस ओपन टेनिसया क्वाटरफाईनलय् थ्यंगु दु ।
राउण्ड अफ सिक्सटिनया कासाय् इटालीया यानिक सिनरयात ६गू–४गू, ६गू–४गू व ७गू–६गू ल्याःखं बुका ४गूगु वरियतायाम्ह भेरेभ क्वाटरफाईनलय् थ्यंगु खः ।
थगुनेया ल्यु त्याकामि भेरेभं आः क्वाटरफाईनलय् दक्षिण अफ्रिकाया लोएड ह्यारिसलिसे म्हितिइ । युएस ओपनया हे मेगु कासाय् जर्मनीया ओस्कार ओट्टेयात ६गू–४गू, ३गू–६गू, ६गू–३गू व ६गू–२गू ल्याःखं बुका इटालीया माटियो बेरेट्टीनी नं क्वाटरफाईनलय् थ्यंगु दु ।
उखे मिसापाखे स्विस कासामि बेलीण्डा बेन्सीक, चेक गणतन्त्रया क्यारोलिन प्लीस्कोभा, स्पेनया गार्बिने मुगुरुजा व बेलायतया इम्मा राडुकानु क्वाटरफाईनलय् थ्यंगु दु ।
Categorized in कासा
