येँं महानगर व नाञ्जिन नगर दथुइ भगिनी सम्बन्ध
लहनान्युज | कौलाथ्व पुन्हि ११३९ (अक्टुवर १३ २०१९)
येँ महानगर व चीनया नान्जिन नगर दथुइ भगिनी सम्बन्ध स्थापना जुगु दु । चीनया राष्ट्रपति सि चिनफिङ् व नेपालया प्रधानमन्त्री के. पि. शर्मा ओलीया उपस्थितिइ येँ महानगरया प्रमुख बिद्यासुन्दर शाक्य व नान्जिन म्युनिसिपल कमिटिकी सेक्रेटरी जेफाङ् एङ्बुआं भगिनी सम्बन्ध स्थापना सम्झौता पत्रय् ल्हाचिं तया सम्बन्धया औपचारिकता बिउगु खः । सम्झौता पत्र आदान—प्रदान महानगरया प्रमुख शाक्य व नेपालया लागि चीनया राजदूत छोउ यान्छीं यानादिगु खः ।
उगु सम्झौताय् निगु नगरउा दथुइ संस्कृति व पर्यटनया संरक्षण नाप प्रबर्धन, बिकास निर्माण व बिकास व्यवस्थापनया अनुभव आदान—प्रदान, उद्योग व बाणिज्य, शिक्षा, स्वास्थ्य, अर्थ बाणिज्य लगायतया ख्यलय् क्षमता बिकास नाप प्रर्वधनात्मक ज्याझ्वः याइगु खः ।
चीनया राष्ट्रपति सि चिनफिङ्ं नेपाःया निन्हु राजकीय भ्रमणया झ्वलय्ल भगिनी सम्बन्ध स्थापना सम्झौता पत्रय् हस्ताक्षर जुगु खः । अथेहे नेपाः व चीन दथुइ १८ समझदारीपत्र व २ लेटर अफ एक्सचेञ्ज याना २० गु समझदारीपत्रय् ल्हाचिं तःगु खः ।
उगु समझदारीइ टोखा – छहरे सुरुङमार्ग दयेकेगु, रसुवागढी–येँ व तातोपानी—येँ सतक दयेकेगु, मदन भण्डारी विश्व विद्यालय सञ्चालन यायेगु खँ दुथ्याउगुु खः ।
