२०८० चैत्र १६, शुक्रबार

येँमनपां सार्वजनिक जग्गा संरक्षण याये निति पार्कया योजना न्ह्यने हःगु दु

नृपेन्द्रलाल श्रेष्ठ | दिल्लागा तृतीया ११४०,असार २४ बुधवाः

येँ महानगरपालिकां महानगर दुने थीथी थासय् अतिक्रमण याना तःगु सार्वजनिक जग्गाया पहिचान यासे उकिया संरक्षण याना खुला क्षेत्र विकास यायेगु व हरियाली प्रवद्र्धन यायेगु निति प्रमुख प्राथमिकताय् तया न्ह्यने वने त्यःगु दु । 
 
येँ महानगरपालिकाया मेयर बिद्यासुन्दर शाक्यं अतिक्रमित सार्वजनिक जग्गा संरक्षण यासे खुलाक्षेत्रयका रुपय् विकास यायेगु उदेश्यं थुगु आर्थिक वर्षया बजेटय पार्क निर्माण, हरियाली प्रवद्र्धन लगायता प्राथमिकताय् तयाःगु दु धका धयादिगु दु । 
 
‘हरियाली प्रर्वद्धन यायेगु, सहरय् सौदर्य थकायेगु, पार्क निर्माण यायेगु महानगरपालिकाया नीति हे खः,’ धका धयादिसे मेयर शाक्यं, ‘झीसँ खुला थाय् व सार्वजनिक जग्गा संरक्षण यायेगु, ऐतिहासिक एवं वातावरणीय दृष्टिं महत्वपूर्ण थाय् या संरक्षण व सम्वद्र्धन यायेगु लगायतया ज्याय् प्राथमिकताय् तया न्ह्यने वनेगु जुइ धका धयादिगु दु ।’
 
आर्थिक वर्ष २०७७ व ०७८ या बजेटय् येँ महानगरपालिकां थःगु नगर दुने सार्वजनिक जग्गाया संरक्षण याना खुला क्षेत्रया रुपं विकास यायेत २० लाख निसे ६ करोड तक स्वीगू स्वया अप्व पार्क निर्माणया योजना न्ह्यने हयाःगु धका धयादिगु खः । उगु पार्क निर्माणया लागि जक महानगरपालिकां २७ करोड स्वया अप्व बजेट विनियोजन यानागु दु । ‘येँ महानगरय् घना बस्ती जाःगु शहर खः । उके महानगरयु च्वपिन्त खुला थासय् आनन्द बिइत जिमिसं अज्याःगु थाय् या संरक्षण व सदुपयोग यायेगु योजना न्ह्यने हयाःगु खः धका धयादिगु खः,’ मेयर शाक्यं ‘हरियाली अप्वयेकेगु नाप जमिन दुने लः भण्डारणया लागि रिचार्ज काठमाडौँ अभियानयात प्राथमिकताय् तया ज्याझ्वः न्ह्यने हयाःगु दु धका धयादिगु दु ।’
 
काठमाडौँ महानगरपालिकाले आर्थिक वर्ष २०७७÷०७८ को बजेटमा समावेश गरेका योजनामा महानगर जेष्ठ नागरिक पार्क, स्ट्रिट फुड पार्क, बाल उद्यान, जेष्ठ नागरिक आश्रम, सहिद
पार्क, चेसपार्क, महानगर बाजे–बज्यै पार्क, महिला मैत्री पार्कलगायत रहेका छन् । 
 
योजना कथं महानगरपालिकां वडा–१५ य् सहिद पार्क निर्माणया लागि १ करोड, वडा–५ य् नरबुद्ध पार्कया लागि १ करोड ५० लाख, कुलेश्वर आवास क्षेत्र दुने सार्वजनिक जग्गाय् पार्क निर्माणया लागि ५० लाख, वडा–१४ य् ज्ञानतिर्थया पार्क निर्माणया लागि ४० लाख, वडा–११ या कुमारी देगः न्ह्यने व धोवि खोला दोभानया सार्जजनिक जग्गाय् पार्क निर्माण यायेत २५ लाख विनियोजन याःगु दु । 
 
अथेहे महानगरपालिका वडा–८ य् गुहेश्वरीपारी पार्क निर्माण यायेत २० लाख, वडा–७ य् कालोपुल व भत्केको पुलया बिचय् आइल्याण्डपार्क निर्माण यायेत ४० लाख, वडा–९ य् कुमारी देगलय् पार्क निर्माण यायेत २५ लाख, वडा–४ य् धुम्बाराही पार्क निर्माणया लागि १ करोड, वडा–४ य् शिवस्थली पार्क निर्माणया लागि ६ करोड मध्ये थुगु दँय् १ करोड विनियोजन याःगु दु ।  
 
वडा–१४ य् खड्का गाउँया पार्क निर्माणया लागि ३० लाख, बालाजु पार्क विकास तथा स्वमिङपुल पुःननिर्माणया लागि बहुवर्षीय योजनाय् १ करोड, वडा–१७ को धोविचौरय् निर्माण व गाहिती पुर्ननिर्माणय् ३० लाख, रानीपोखरी क्षेत्र विस्तार ज्याय् या लागि १ करोड, वडा–३२ य् बालकुमारीया अमरावती पार्क निर्माणया लागि बहुवर्षीय योजनामा १ करोड, वडा–३२ य् तीनकुनेया आधुनिक बुद्धपार्क निर्माणया लागि डीपीआर प्रतिवेदन तयार यायेत १ करोड विनियोजन याःगु दु । उगु थासय् अल्पकालीन रुपं हरियाली सहितया आइल्याण्ड निर्माण याइगु
जुगु दु । 
 
महानगरपालिकां थःगु ड्रिम प्राजेक्टया रुपय् न्ह्यने हयेगु कथं मेगा हलय् ६० प्रतिशत थासय् खुला थासय् व हरियाली प्रवद्र्धन यायेगु योजना न्ह्यने हःगु दु । मेगा हल निर्माण याये धाःगु भृकुटी मण्डपय् आः करीब २८ प्रतिशत जक खुला थाय् दुगुलि येँ महानगरपालिकां सहरी योजना आयोगं जानकारी बिःगु दु । 
 
महानगरपालिकां बिःगु जानकारी कथं विष्णुमती करिडोरय् पार्क निर्माणया लागि बहुवर्षीय योजना अन्तर्रगत २ करोड, वडा–७ य् मैजुबहाल पार्क निर्माणया लागि ६२ लाख, वडा–३१ य् 
जेष्ठ नागरिक आश्रम तथा पार्क निर्माणया लागि वहुवर्षीय योजनाय् २ करोड, वडा ३२ य् कोटेश्वर महादेवस्थानय् सार्वजनिक भवन व पार्क निर्माणया लागि ५० लाख, बागमती मनोहरा दोभाननिसे बालकुमारी ताँ जुया मनोहरा, हनुमन्ते दोभानक खुँुसि सिथय् जग्गा संरक्षण व पार्क निर्माणया लागि २ करोड, कोटेश्वर महादेवस्थानय् त्वाथः दयेकेत व पार्क निर्माणया लागि ३० लाख विनियोजन यानगु दु धका महानगरपालिकां जानकारी बिःगु दु । 
 
अथेहे वडा–३२ य् जनमैत्री हरित उद्यान निर्माणया लागि वहुवर्षीय योजना अन्तरर्गत १ करोड, वडा–२५ उा महानगर जेष्ठ नागरिक पार्क निर्माणया लागि १ करोड, वडा–११ य् थापाथली लँ सिथय् पार्क निर्माणया लागि ४० लाख, वडा–११ या चेसपार्क स्तरोन्ततिया लागि ३६ लाख, वडा–४ या महानगर बाजे–बज्यै पार्कया वहुवर्षीय योजनाया लागि ३ करोड, वडा नम्बर –३१ य् प्रयागमार्ग पार्क निमाणया लागि बहुवर्षीय योजनाय् १ करोड, वडा–१० य् स्ट्रिटफुड पार्क निर्माणया लागि २५ लाख, वडा–१० या सानो गौचरण पार्क सुधारया लागि १ करोड, वडा नम्बर–३० या मैतिदेवी पार्क निर्माणया लागि ५० लाख, वडा–३१ या जागृति बाल उद्यान निर्माणया लागि ५० लाख, वडा–३२ या पुरानो टाउनप्लानिङ मनोहरा खुसि सिथय् पार्क निर्माणया लागि ५० लाख, खुला योग तथा व्यायमशाला निर्माणया लागि ५० लाख, वडा–४ या विशालनगर पार्क निर्माण कार्यया लागि ५० लाख विनियोजन याःगु दु । 
 
महादेव खोला, बल्खु, करखुशी, सामाखुशी, विष्णुमति, वागमती खुसि सिथय् सार्वजनिक जग्गा संरक्षण, हरियाली प्रर्वद्धन व खुसि नियन्त्रण ज्याया लागि महाननगरपालिकां करीब ७ करोड बजेट विनियोजन याःगु दु ।
 
Categorized in राष्ट्रिय