येँया सोह्रखुट्टेय् छम्ह नाप नुवाकोटय् हापां संक्रमण खनेदत
लहनान्युज | तछलाथ्व पारु ११४०,जेठ १० शनिवाः
थौं येँया सोह्रखुट्टेय् छम्ह नाप १९म्हेसित कोरोना भाइरसया संक्रमण खने दुगु दु ।
येँया १६वडाय् ६९दँया मिजंम्हेसित संक्रमण जूगु पुष्टि धका स्वास्थ्य तथा जनसंख्या मन्त्रालयं जानकारी बिःगु खः ।
मन्त्रालयया जानकारी कथं पर्सा, रुपन्देही, भैरहवा व कपिलवस्तुइ स्वम्ह स्वम्हेसित व मोरङ, बारा, रौटहत, सर्लाही, नुवाकोट व गुल्मिइ नाप येँ छम्ह छम्हेसित संक्रमण जूगु दु ।
थौं नुवाकोटय् न हापां संक्रमण खनेदुगु दु ।
थ्व नापं आतक कोरोनाया संक्रमण खनेदुगु ४२गू जिल्लाय् थ्यंगु दु ।
आतक नेपालय् कोरोना संक्रमतिपि ६०३म्ह थ्यंगु दु ।
