येँय् १११६म्ह नाप स्वनिगलय् १४०९म्ह कोरोना संक्रमित
लहानान्युज | अनलागा ७ ११४०,असोज २३ शुक्रवाः
थौं स्वनिलय् जक थप १४०९ म्ह कोरोना संक्रमित पिहावःगु दु। वःगु २४ घण्टाय् जक १४०९ म्हेसित कोरोना पुष्टि जुगु धका स्वास्थ्य तथा जनसंख्या मन्त्रालयं थौं शुक्रवाः जूगु पत्रकार सम्मेलनय् जानकारी बिःगु खः।
प्रवक्ता डा.जागेश्वर गौतमया कथं थौं येँय् जक १११६म्हेसित कोरोना सक्रमण जूगु दु।
अथेहे यलय् १६३ म्ह व ख्वपय् १३० म्हेसित कोरोना सक्रमण जुग दु धका धाःगु दु।
२४ घण्टाया दुने १३ हजार २७९ म्हेसिगु पीसीआर परीक्षण याःगु खः। आइसोलेसनय् च्वनाच्वपि कोरोना संक्रमित २७५३ म्ह दु अथेतु ४ हजार ७३ म्ह क्वारेन्टाइनय् च्वनाच्वपि दु धका प्रवक्ता गौतमं धाःगु दु।
Categorized in राष्ट्रिय
