येँय् १८८८म्हेसित कोरोना सक्रमण, स्वनिगलय् २२८३
मनिष | अनलागा १० ११४०,असोज २६ सोमवाः
वःगु २४ घण्टाया दुने स्वनिगलय् २२८३ म्हेसित कोरोना संक्रमित जूगु दु।
स्वास्थ्य तथा जनसंख्या मन्त्रालयय् थौं सोमवाः याःगु पत्रकार सम्मेलनय् प्रवक्ता डा.जागेश्वर गौतमं येँ जक १८८८म्हेसित कोरोना सक्रमण जुगु द् धका धाःगु खः।
अथेहे यलय् २७७ म्ह व ख्वपय् ११८ म्हेसित कोरोना संक्रमण जूगु दु धका धाःगु दु।
२४ घण्टाय् १४ हजार ५३०म्हेसिगु पीसीआर परीक्षण याःगु खः। देय् यकं याःगु परिक्षणय् सोमवाः ४०४७ म्हेसित कोरोना संक्रमण जुगु खः। आःतक देय् यकं सक्रिय संक्रमितपि ३३ हजार ८८० म्ह थ्यःगु दु। होम आइसोलेसनय् च्वना च्वपि १९ हजार ९५७ म्ह दु।
Categorized in राष्ट्रिय
