येँ न्युरोड, असं, वघः व टेकुइ सिल यात
लहनान्युज | गुंलागा ४ ११४०,साउन २३ शुक्रवाः
येँया व्यापारिक थाय् न्युरोड, असं, वघः व टेकुइ सिल याःगु दु । जिल्ला प्रशासन कार्यालय काठमाण्डौं थौं शुक्रवाः चान्ह्य १२ बजे निसे लागू जुइ कथं न्युरोड, असं, वघः व टेकुया व्यापारिक
केन्द्र सिल यायेगु निर्णय याःगु दु ।
कोरोना सङ्क्रमण खने दुगुलि उगु थासय् सिल यायेगु तयारी जुया च्वंगु दु ।
वःगु छु दिं न्ह्यने निसे स्वनिगलय् कोरोनाया तसक जोखिम जुया वया च्वंगु खः । वःगु २४ घण्टाय् येँ जक १०६ म्हेसित कोरोना भाइरसको सङ्क्रमण पुष्टि जुगु धका स्वास्थ्य तथा जनसङ्ख्या मन्त्रालयं धाःगु खः ।
