येँ प्यम्ह व यलय् छम्हेसित कोरोना संक्रमण
लहनान्युज | तछलागा दशमी ११४०,असार १ सोमवाः
थौं येँ प्यम्ह व यलय् छम्ह नाप थप ४५१म्हेसित कोरोनाया संक्रमण जूगु दु ।
स्वास्थ्य तथा जनसंख्या मन्त्रालयया प्रवक्ता डा. जागेश्वर गौतमं वंगु नीप्यघौया दुने ४१६म्ह संक्रमण जूगु पुष्टि यानादीगु दु ।
थ्व नापं आः नेपालय् संक्रमितपि ६२११ म्ह थ्यंगु दु ।
धुलिखेल अस्पतालय् याःगु परीक्षणय् येँया छम्ह मिजंयात संक्रमण पुष्टि जूगु खः ।
अथेतु, सुक्रराज ट्रपिकल अस्पतलय् याःगु परीक्षणय् येँया छम्ह मिजंयात संक्रमण खनेदुगु खः ।
पाटन अस्पतालय् याःगु परीक्षणय् येँया निम्ह मिसा व यलय् छम्ह मिसायात संक्रमण खनेदुगु खः धका धाःगु दु ।
नेपालय् आः तक कोरोनाया संक्रमण ७३गू जिल्लाय् थ्यंगु दु ।