येँ मनपा २२ वडाया प्युखा त्वालय् मिं नल
लहनान्युज | बछलाथ्व दशमी ११४०,जेष्ठ ४ आइतवाः
थौं जेष्ठ ४ गते येँ महानगरपालिका २२ वडाया प्युखा त्वालय् एन सेल अफिस न्ह्यने राजेन्द्र महर्जनया छेँ न्ह्यःनेया लठ्ठाय् मिं नगु दु ।
उगु लठ्ठाय् करेन्टया तार सट जुया मिं नःगुलि स्पोर्ट्सया सामान व रेडिमेडया सामान क्षति जुग दु । अन मिं नःगु कारण लखं लख मल्याक सामान मिं नया नस्ट जुगु दु ।
उगु थासया वडाया अध्यक्ष चिनिकाजी महर्जन, सदस्य अनिल हाडा, महानगरीय प्रहरी बृतया डिएसपी सुनिल जंग शाह, रणभैरब गण, येँ महानगरपालिकाया दमकलं उगु मिं नियन्त्रन काःगु दु धका येँ महानगरपालिका २४ वडा सदस्य बिनोद तुलाधर लहनान्युजयात जानकारी बियादिगु खः ।
