२०८० चैत्र १५, बिहिबार

येँ महानगरपालिकाय् “छगु वडा, छगु पार्क”

लहनान्यूज | कौलागा षष्ठी ११४१, कात्तिक ९ मंगलबाः

“छगु वडा, छगु पार्क” नीति अनुरुप येँ महानगरपालिका छन्हू हे वडा ३२ यु निगू पार्कया शिलान्यास याःगु दु ।

येँ महानगरपालिका प्रमुख विद्यासुन्दर शाक्यं थ्यंमथ्यं ४गू रोपनी ११ आनाय् “बागमती दोभान” व “अमरावती” याना निगू पार्कया शिलान्यास यानादिगु खः ।


ज्याझ्वलय् प्रमुख शाक्यं तःधंगु व चीधंगु याना येँ महानगरपालिकाय् ५०गू सिबें अप्वः पार्कया देयेकेज्या जुयाच्वंगु धयादिल । सार्वजनिक जग्गाया संरक्षण याय्गु, हरियालीया थपू यायेगु व स्थानीयपिनिगु ब्वतिइ संरक्षणया जिम्मा नं उपिन्त हे बिइकथं प्रत्येक वडाय् म्होतिइ छगू पार्क निर्माण यायेगु अभियान न्ह्याकागु, मेयर शाक्यं न्ह्यथनादिल ।

वय्कलं, गलिखे जमिन गुथीया नामय् जुयाच्वंगुलिं पार्क निर्माण यायेगु व हरियाली कायम यायेगु ज्याय् पंगु ब्वंलना च्वंगु धयादिल । व्यावसायिक भवन तं आः निजी क्षेत्रपाखें यक्वः हे दयेकेज्या जुयाच्वंगु दु, गुथीया जमिनय् व्यावसायिक भवन आवश्यक मदु, अन पार्क निर्माण जुइमाःगु नं ज्याझ्वलय् मेयर शाक्यं धयादिल ।


ज्याझ्वलय् उपमेयर हरिप्रभा खड्गी श्रेष्ठं बागमती खुसि सिथय् पार्क व हरियाली यायेत बागमती सभ्यता एकीकृत विकास समितिइ जम्मा जूगु राजस्व पर्याप्त जूगु उल्लेख यानादिसें थुकियात कार्यान्वयन यायेमाःगलिइ बः बियादिल ।

वय्कलं महानगरपालिकां न्ह्याकूगु सार्वजनिक जग्गा संरक्षण व हरियालि विकास यायेगु नीति व्यवहारिक कथं हे न्ह्याःगु धयादिल । वय्कलं महानगर दुने पार्क दयेकेत सम्भवय् मजुइधुंकूलिं बाहिरी शहरय् गन सम्भव दु अन अन पार्क दयेकेत इनाप यानादिल ।


बागमती दोभान पार्क थ्यंमथ्यं ११ आनाय् ६७ लखःया लागतय् निर्माण जुइत्यंगु दु धाःसा करिब प्यंगु रोपनी निर्माण जुइगु अमरावती पार्क ९०गू लखया लागतय् निर्माण जुइत्यंगु खः ।

 

Categorized in राष्ट्रिय