येँ १५०८ म्ह नाप स्वनिगलय् १८८८म्ह सक्रमित जुगु दु
लहानान्युज | कौलाथ्व चतुर्दशी ११४०,कार्तिक १४ शुक्रवाः
वःगु २४ घण्टाया दुने स्वनिगलय् १८८८ म्हेसित कोरोना भाइरस संक्रमण पुष्टि जूगु दु।
स्वास्थ्य तथा जनसंख्या मन्त्रालयया कथं थौं येँ जक १५०८म्हेसित कोरोना सक्रमण जूगु दु धका धाःगु दु।
अथेहे यलय् २४९ म्ह व ख्वपय् १३१ म्हेसित कोरोना संक्रमण पुष्टि जूगु दु।
थौं शुक्रवाः देय् यकं ३५१७ म्हेसित कोरोना संक्रमण पुष्टि जूगु दु।
थ्व नाप येँ दुने जक संक्रमितपि ६० हजार ७४२ म्ह थ्यःगु दु। उकि मध्ये ४४ हजार २८८ म्ह छेँय् लिहा वने धुकुगु दु। अथेहे २१२ म्ह सी धुकुगु दु। सक्रिय संक्रमितपि १६ हजार २४२ म्ह दु धका धाःगु दु।
अथेतु यलय् कुल संक्रमितपि ८५९९ म्ह थ्यःगु दु। उकि मध्ये ६१९६ म्ह छेँय् लिहा वनेधुकुगु दु। अन सीपि ५८ म्ह थ्यःगु दु। सक्रिय संक्रमितपि २३४५ म्ह दु।
ख्वपय् ५६५० म्ह संक्रमित जुगु दु सा ४ हजार ४२२ म्ह छेँय् लिहा वने धुकुगु दु। अन ६३ म्ह सी धुकुगु दु। सक्रिय संक्रमितपि आःतक ११६५ म्ह दु धका मन्त्रालयय् धाःगु दु।
Categorized in राष्ट्रिय
