येँ २८म्ह व यलय् १३म्हसित कोरोना संक्रमण
लहनान्युज | दिल्लागा पंचमी ११४०,असार २६ शुक्रवाः
वःगु २४ घण्टाय् थौं थप ११८म्हेसित कोरोना भाइरस (कोभिड–१९) या संक्रमण पुष्टि जूगु दु ।
थ्व नाप आः संक्रमितपिनिगु ल्याः १६ द्धः व ६४९ म्ह थ्यःगु दु । उकि मध्ये ३५म्ह सीगु दु । अथेहे च्याद्धः व ११म्ह डिस्चार्ज जुइ धुकुगु दु । वःगु २४ घण्टाय् १२०म्ह डिस्चार्ज जुगु दु ।
मन्त्रालयया कथं येँ यक्को धेरै संक्रमित पिहा वःपि दु । येँ जक २८म्ह कोरोना संक्रमण पुष्टि जूगु दु ।
थ्व नाप यलय् १३म्ह, सुर्खेतय् ११म्ह, सर्लाही व तनहुँ च्याम्ह च्याम्ह, गुल्मीइ खुम्ह व धनुषा, महोत्तरी व पाल्पाय् प्यम्ह प्यम्हसित संक्रमण पुष्टि जूगु दु ।
इलाम, पाँचथर, सिराहा, काभ्रे, रौतहट, बाग्लुङ, नवलपरासी व दैलेखय् निम्ह निम्ह व रसुवा, डोटी, चितवन, बाँके, भक्तपुर, रामेछाप, सिन्धुली, सिन्धुपाल्चोक, रुपन्देही, मकवानपुर, धादिङ, कैलाली, गोरखा, बाजुरा, डोल्पा व सल्यानय् छम्ह छम्ह संक्रमित पिहावःगु दु ।
