येँ २९३म्ह नाप स्वनिगः दुने ३२६म्ह संक्रमण पुष्टि
लहनान्युज | ञंलागा ५ ११४०,भाद्र २२ सोमवाः
थौं येँ जक २९३ म्हेसित कोरोना भाइरस संक्रमण पुष्टि जूगु दु ।
अथेहे यलय् २०म्ह व ख्वपय् १३म्ह संक्रमण पुष्टि जुगु दु धका स्वास्थ्य तथा जनसंख्या मन्त्रालयं धाःगु दु ।
वःगु २४ घण्टाय् देय् यकं ९७९ म्हेसित कोरोना भाइरस (कोभिड(१९) या संक्रमण पुष्टि जूगु दु ।
देय् यकंया प्रयोगशालाय् ९ हजार २१८म्हेसिगु नमुना परीक्षण याःगुलि ९७९म्हेसित संक्रमण पुष्टि जूगु दु धका धाःगु दु । थ्व नाप संक्रमितपि संख्या ४७ हजार २३६म्ह थ्यःगु दु ।
वःगु २४ घण्टाय् कोरोना भाइरस संक्रमण मुक्त जुपि १७३६ म्ह डिस्चार्ज जूगु दु ।
Categorized in राष्ट्रिय
