२०८१ आषाढ ११, मंगलबार

ये मनपा वडा नः १७ य् ससफोया अधिवेशन क्वचाल

लहनान्युज | पोहेलाथ्व पारु ११३९ (जनवरी ६ २०१८)

संघीय समाजवादी फोरम नेपालया सहअध्यक्ष राजेन्द्रप्रसाद श्रेष्ठं छगु ज्याझ्वः दथुइ  येँ महानगरपालिका वडा १७ या न्हापांगु वडा अधिवेशनया उलेज्या यानादीगु दु । 
 
 
मूपाहाँया श्रेष्ठंं प्रधानमन्त्री ओलीं पंचायती शैलीं थःगु गुणगान याकूगुलिं आलोचना यासें धयादी, “व खर्च उत्पादनशील क्षेत्रय् लगानी याःगु जूसा देसया समृद्धिया नितिं म्हो जक जूसां ग्वाहालि जुइगु खः ।” कनादीगु खः ।
 
 
उगु अधिवेशनय् पार्टीया केन्द्रीय सल्लाहकार समिति प्रमुख डा. महेशमान श्रेष्ठ, वैकल्पिक केन्द्रीय दुजःलिसें येँ महानगरपालिकाया सह–इञ्चार्ज राधाकृष्ण महर्जन, नेवाः संघ नायः व जिल्ला न्वकू सत्यनारायण डंगोल, जिल्ला समिति दुजः श्यामकृष्ण प्रजापति न भिंतुना न्वचू तयादीगु खः ।
 
 
उगु ज्याझ्वलय् येँ जिल्ला समितिया छ्याञ्जे सुवर्ण श्रेष्ठ, ल्यूछ्याञ्जे प्रेम शिल्पकार लिसें दुजःपिं सृजन श्रेष्ठ, राजाराम तण्डुकार, सुरज महर्जन व मंगलरत्न ताम्राकारपिनिगु नं उपस्थिति दूगु खः ।
 
 
समितिया दुजः लहना श्रेष्ठं न्ह्याकादीगु व उमा ताम्राकारं लसकुस यानादीगु उगु अधिवेशनं क्रान्ति मालाकारया  नेतृत्वय् १३ म्ह दुजःया वडा समिति नीस्वंगु दु ।
उगु ज्यासना पुचलय् न्वकू –पुष्पलाल नकःमि, छ्याञ्जे लहना श्रेष्ठ,  दांभरी किशोर कनौजिया च्वनादीगु दु ।
 
 
अथेहे दुजलय् पूर्ण लाल तण्डुकार, सुशान्त मान श्रेष्ठ, बल भाई पुजारी, गणेश लाल मगैंया, नारायण प्रसाद मालाकार, सन्तोष डंगोल ,जनम महर्जन, राजेन्द्र महर्जन व सुरेश खड्गी च्वनादीगु खः ।
 
Categorized in राजनीति