रत्नपार्कयात शंखधर पार्क यायेगु
नृपेन्द्रलाल श्रेष्ठ | कछलाथ्व पारु ११३८ (अक्टुवर २० २०१७)
नेपाल संवत ११३८ न्हुदँ या लसताय् थौं बसन्तपुरं सांस्कृतिक जुलुसं सहित जैसिदेगः, लगं, ह्युमत, क्वहिति, मरु, न्यत, टेगः असं, चाःहिला उगु सांस्कृतिक जुलुस बसन्तपुर क्वचागु दु
न्हुदँ राष्ट्रिय समारोह समिटिया ११३८ या ग्वसालय् जुगु उगु ज्याझ्वलय प्रधानमन्त्री शेरबहादुर देउवा मूपाहाँ जुया झायादीगु खः ।
उगु ज्याझ्वलय लसकुस न्वचु बियादीसें येँ महानगरपालिकाया मेयर बिद्यासुन्दर शाक्यं येया रत्नपार्कयात शंखधर पार्क यायेगु धकाः घोषणा न यानादीगु दु । थौं येँ महानगरपालिकाया दक्को ज्याकुथि दीपावली यायेगु नाप कछलाथ्व दशमी शंखधर दिवस कुन्हु तुच्चा ज्याझ्वः यायेगु धकाः उग्ु सभाय् कनादीगु दु ।
अथेहे ज्याझ्वःया सभाध्यक्ष न्हुदँ राष्ट्रिय समारोह समिटिया ११३८ या नायः चित्तरंजन नेपालीं शंखधर यागु बिषयलय् पाठक्रमय् तये माःगु, सरकारं नेपाल संवत छ्यलेमाःगु माग प्रधानमन्त्री शेरबहादुर देउवा समक्ष यानादीगु खः ।
उगु ज्याझ्वलय् थःगु नुगः तयादीसें मूपाहाँ प्रधानमन्त्री शेरबहादुर देउवां नेपाल संवत् मौलिक संवत खः धयादीसे थुकिगु सरक्षण, संवर्द्धन यायेगु खँय् थःम्ह प्रतिबद्धता न प्वकादील । गरिबी व असमानता अन्त्य याःगु धयादीसे राष्ट्रिय विभूति शंखधर साख्वा न नेपाल संवतया शुरुवात याःगु चर्चा यासें प्रधानमन्त्री देउवां नेपाल संवत् न्यायेकेत १० लाख तका सरकारं बिग धकाः न घोषणा यानादीगु दु ।
