येँ क्षेत्र नं. १०य् नेकपा एमाले व नेकपा माओवादी केन्द्र दथुइ चुनावी तालमेलकथं बामगठबन्धनपाखें मंकाः उम्मेदवार जुयादीम्ह हितमान शाक्यलिसे प्रतिनिधिसभाया चुनावयात कयाः उपेश महर्जनं यानादीगु खँल्हाबँल्हा चीहाकलं न्ह्यब्वयाच्वना ।

वि.सं. २०६४ सालय् येँ क्षेत्र नं. ६पाखें संविधानसभाया सभासदय् निर्वाचित जूगु खः । २०७० सालया निक्वःगु संविधानसभाय् ब्वति काय्मखन । जिगु कार्यकालया नितिं थ्व छगू तःधंगु ‘ग्यापिङ्ग’ खः । आः नेकपा एमाले व नेकपा माओवादी केन्द्र दथुइ चुनावी तालमेल जुइधुंकाः जिमिगु पार्टीं प्रतिनिधिसभाया दुजःया नितिं स्वंगू क्षेत्र प्राप्त याःगु दु । जितः क्षेत्र नं. १०य् उम्मेदवार दय्केगु पार्टीया क्वःछिना जक मखु, थनया स्थानीय बासिन्दया मागयात वयाः थन छ्वयाहःगु खः । येँ क्षेत्र नं. १० नेवाःत बाहुल्य दुगु व जिगु स्थायी बसोबास नं किपूया पश्चिम भेगय् च्वंगु विष्णुदेवी बःखु क्षेत्रय् जूगुलिं पार्टीया निर्णयकथं उम्मेदवार जुयागु खः ।
 

 

स्थानीय नेतातय्गु भाग लाका काय्गुकथं पार्टीं जित उम्मेदवार दय्कूगु मखु, जि थनया स्थायी बासिन्दा नं खः । अथेहे वि.सं. २०४५ सालनिसें निरन्तरकथं थुगु हे क्षेत्रय् च्वनाः विद्यार्थी राजनीतिनिसें भूमिगतया इलय् तकं नं अप्वः धइथें जिगु जीवन थन हे पानागु दु । थुगु क्षेत्रया नेतातय्सं च्वय्या नेतात वःगुलिं स्थानीय नेतात थाहांवनेगु अवसरं वञ्चित जुइगु खःला धइगु गुनासो नं वयाच्वंगु दु, थ्व छखें पाय्छि खः ।

 

तर बामपन्थी गठबन्धनया हुनिं आः जिगु उम्मेदवारी लाःसां नं वइगु दिनस स्थानीय सक्षम नेतातय्सं हे थुगु अवसर प्राप्त याइ । वइगु दिनस स्थानीय नेता दय्केगु नितिं जिगु पद व जिम्मेवारीपाखें पूवंक हे ग्वाहालि याय्गु प्रतिबद्धता प्वंकाच्वना ।
 

तर वामपन्थी गठबन्धनका कारणले अहिले मेरो उम्मेदवारी परे पनि आउँदो दिनहरुमा स्थानीय सक्षम नेताहरुले नै यो अवसर पाउछँन् । आउने दिनहरुमा स्थानीय नेता जन्माउनको लागि मेरो पद र जिम्मेवारीबाट पूरापूर सहयोग हुने प्रतिबद्धता ब्यक्त गर्छु ।


 

नेपाःया बामपन्थी घटकत नेकपा एमाले व नेकपा माओवादी केन्द्र एकताया न्ह्यःने थ्यनाच्वंगु दु । पार्टी एकताया आज्जुलिसें थ्व निगू पार्टी दथुइ तालमेल जूगु खः । बाम उर्बरभूमिकथं कयातःगु येँ क्षेत्र नं १०या जनतात बाम तालमेललिपा तःधंगु उत्साह व जाँवरलिसें दना वयाच्वंगु दु । थुगु जागरणं जनतां निश्चितरुपं बाम तालमेलया पक्षय् मतदान याइ धइगु जिं खनाच्वनागु दु ।

 

शान्त् िव समृद्धि, सामाजिक न्याय, स्थीर सरकारया मू एजेण्डा ज्वनाः वःगु थुगु गठबन्धनया पक्षय् जिं तःधंगु हे जनउभार वइगु लू खनाच्वनागु दु । कीपू, दक्षिणकाली व चन्द्रागिरी नगरपालिका दुथ्याःगु थुगु लागाया मंकाः उम्मेदवार प्रतिनिधिसभाया दुजःया नितिं मत बियादी धइगु आशा कयाच्वनागु दु ।


 ताःई न्ह्यःतक नेपाःया कम्यूनिष्ट आन्दोलन विभाजित अवस्थाय् लानाच्वन । थ्व कम्यूनिष्ट आन्दोलनया नकारात्मक खँ खः । थ्व हे हुनिं प्रतिगमनकारी, अवसरवादी व यथास्थितिवादीतय्सं अवसर प्राप्त यात । स्थानीय तहया चुनावया जनमतयात विश्लेषण याःगु इलय् कम्यूनिष्टत एकताबद्ध जूसा देशय् स्थीर व समृद्धिया सम्भावना बल्लाइगु, विभाजित जूगु इलय् प्रतिगमनकारी व यथास्थितिवादीत हावी जुइगु लू न्ह्यःने दयावःगु खः ।

 

थुगु स्थितिया विश्लेषणलिसें निगू पार्टीया शीर्षस्थ नेतातय्ग् दिमागय् पार्टी एकताया आवश्यकता बोध जुल । व पाटी एकता संयोजन समितिपाखें चुनाव लिपा हे पार्टी एकता याय्गु लक्ष तःगु दु । स्वय्बलय् अचानक व अजूचायापूगुकथंया गठबन्धन खनेदुसां नं राष्ट्रिय व अन्तर्राष्ट्रिय परिस्थितिया आधारय् ह्यूपाःया दिशाय् निगू पार्टी दथुइ समान धारणा दुगुलिं पार्टी एकता सम्भव जूगु खः । थ्व छगुलिं मेगु पार्टीयात छ्लेगु व सरकारय् वनेगु सत्तालिप्साया चेतनाय् दय्कूगु गठबन्धन मखु ।

 

बिचाः व राजनीतिया लिधंसाय् पार्टी एकता याय्गु आज्जु खः । च्वंनिसें क्वय्या तगिंतक पार्टी एकताया समायोजन प्रकृया जुइ । उकिं च्वय् एकता जुइगु व स्थानीय तगिमय् मजुइगु धइगु जुइमखु । थुकी छुं नं शंका मयाय्त इनाप यानाच्वना ।