राजपां संसद बैठक अवरुद्ध यायेगु चेतावनी
लहनान्युज | दिल्लागा द्धादशी ११३९ (जुलाई २९ २०१९)
प्रतिपक्षी दल राजपां थौं संसद बैठक अवरुद्ध यायेगु चेतावनी बिउगु दु । सर्लाहीया सतक प्रदर्शन यायेगु झ्वलय् सरोजनारायण सिंहयात स्याःगुे घटनाया संसदीय छानबिन याये माःगु माग यासे राजपां संसद अवरुद्ध यायेगुु चेतावनी बिउगु खः ।
प्रतिनिधि सभाया बैठक थौं सोमवाः न्हिनसिया एक बजे सःताः तःगु खः ।
विप्लव समूहया नेता कुमार पौडेल व सरोजनारायण सिंह स्याःगु घटनाया छानविन यायेत संसदीय समिति गठन याये माःगु माग यासे कांग्रेस व राजपां थ्व स्वया न्ह्यःन मंकाः कथं संसदय् अवरोध याये धुकुगु खः ।
