राजस्थानं पन्जाबयात न्ह्यगू विकेटं त्याकल
रमित | कौलाथ्व पुन्हि ११४०,कार्तिक १५ शनिवाः
बेन स्टोक्सया अलराउन्ड प्रदर्शनं राजस्थान रोयल्सं किंग्स इलाभेन पन्जाबयात न्ह्यगू विकेटं त्याकूगु दु।
इन्डियन प्रिमियर लिग (आईपीएल) क्रिकेट अन्तर्गत वःगु चान्ह्य जुगु कासाय् राजस्थान बिःगु १८६ रनया लक्ष्य १८ गु ओभरय् स्वगु विकेट उगु लक्ष्य पूरा याःगु खः।
राजस्थानया बेन स्टोक्सं दकलय् अप्वो ५० रनया योगदान याःगु खः। अल राउन्ड प्रदर्शन यासे म्यान अफ द म्याच जूगु खः।
सन्जु सामसनया ४८ रन, रोबिन उथप्पा ३० रन, स्टिभ स्मिथ ३१ व जोस बटलर २२ रन नटआउट म्हितूगु खः।
बलिङय् मुरुगान आश्विन व क्रिस जोर्डन न निगु निगु विकेट काःगु खः।
टस त्याका न्हापा ब्याटिङ यासे पन्जाबं निर्धारित २० ओभरय् ४ विकेट गुमे यासे १८५ रन दयेकूगु खः।
पन्जाबया लागि क्रिस गेल शतक दयेकेत छगु रनं चुके जुल। ६३ बलय् ८ छक्का व ६ चौकाया ग्वाहालि ९९ रन दयेकूगु खः।
अथेहे केएल राहुल ४१ बलय् ४६ रन, मन्दिप सिंहं खाता हे खोले याये मफुत। निकोलस पुरनं २२ रन, ग्लेन म्याक्सवेल ६ व दीपक हुडा १ रन नटआउट जुया म्हितूगु खः।
बलिङय् जोफ्रा आर्चर व बेन स्टोक्सं निगु निगु विकेट काःगु खः।
Categorized in कासा