२०७७ माघ ८, बिहिबार

राजस्थानं मुम्बईयात च्याःगु विकेटं बूकल

लहानान्युज | कौलाथ्व दशमी ११४०,कार्तिक १० सोमवाः

आईपीएल क्रिकेटय् बेन स्टोक्सया शतक व सन्जु सामसनया अर्धशतकया ग्वाहालि राजस्थान रोयल्सं मुम्बई इन्डियन्सयात च्याःगु विकेटं बूकुगु दु।
 
मुम्बई इन्डियन्सं बिःगु १९६ रनया लक्ष्य राजस्थानं १० बल बाँकी दुगु इलय् हे पूरा याःगु दु।
 
बेन स्टोक्सं नटआउट १०७ व सामसनं नटआउट ५४ रन दयकूगु खः। निम्हसिया स्वगु विकेटया लागि १३.४ ओभरय् १५२ रनया साझेदारी याःगु खः । कासाय् स्टोक्स म्यान अफ द म्याच
जुगु खः।बलिङय् मुम्बईया लागि जेम्स प्याटिन्सं निगु दुई विकेट काःगु खः।
 
आईपीएलया १३ क्वःगु संस्करणय् राजस्थानया थ्व न्याक्वःगु कासा त्याःगु खः। थुगु कासा लिपा राजस्थान खुगु थासय् थ्यःगु दु।
 
टस त्याका न्हापा ब्याटिङ याःगु मुम्बई नं निर्धारित २० ओभरय् न्याःगु विकेटय् १९५ रन दयेकूगु खः। मुम्बईया लागि हार्दिक पाण्ड्यां २१ बलय् नटआउट ६० रन दयेकूगु खः। ७ छक्का व २ चौका थ्याःगु खः।
 
अथेहे सूर्यकुमार यादवं ४०, इशान किसनं ३७ व सौरभ तिवारीं ३४ रन दयेकूगु खः।बलिङपाखे राजस्थानया जोफ्रा आर्चर व श्रेयस गोपालं निगु निगु विकेट काःगु खः। अंकित राजपुत प्यंगु ओभरय् ६० रन बिःगु खःसा कार्तिक त्यागीं ४५ रन बिःगु खः।
Categorized in कासा